اینٹی نارکوٹکس فورس کی کراچی میں پاکستان انٹرنیشنل کنٹینر ٹرمینل پر بڑی کارروائی، سبزیوں اور پھلوں کی آڑ میں بیرون ملک منشیات اسمگلنگ کی کوشش ناکام بنا دی۔
دوحہ کیلئے بک کئے گئے کنٹینر سے 3 من سے زائد چرس برآمد کر لی گئی۔
تلاشی لینے پر پیاز سے بھرے کنٹینر میں چھپائی گئی 125 کلوگرام چرس برآمد ہوئی۔
برآمدہ چرس کو مہارت کے ساتھ پیاز کی جھلیوں میں چھپایا گیا تھا۔
کنٹینر کراچی کی نجی کمپنی کی جانب سے قطر کیلئے بک کیا گیا تھا۔
ترجمان اے این ایف کے مطابق منشیات قبضے میں لے کر ملوث ملزمان کی تلاش شروع کر دی گئی ہے۔