ڈپٹی کمشنرز صرف ٹھنڈے کمروں میں بیٹھ کر مہنگائی کنٹرول کرنے پر اجلاس کر رہے ہیں، خواجہ اظہار الحسن

Total
0
Shares

ایم کیو ایم پاکستان کے ڈپٹی کنوینر خواجہ اظہار الحسن نے کہا ہے کہ رمضان المبارک میں اشیاء خوردونوش کی قیمتیں آسمان سے باتیں کر رہی ہیں، ناجائز منافع خور کمشنر آفس کی جانب سے جاری کردہ نرخوں کی فہرست سے کئی گنا زیادہ قیمتیں وصول کر رہے ہیں جبکہ سندھ حکومت خاموش تماشائی بنی ہوئی ہے، ڈپٹی کمشنرز اور اسسٹنٹ کمشنرز صرف ٹھنڈے کمروں میں بیٹھ کر مہنگائی کنٹرول کرنے پر اجلاس کر رہے ہیں جبکہ عملی طور پر کہیں بازاروں میں قیمیتیں کنٹرول کر کے عوام کو ریلیف فراہم کرنے کی کوشش نہیں کی جا رہی۔

ان خیالات کا اظہار انہوں نے ایڈمنسٹریٹر بلدیہ کورنگی محمد شریف کے ہمراہ ڈسٹرکٹ کورنگی میں فیومیگیشن کی افتتاحی تقریب سے خطاب کرتے ہوئے کیا۔

اس موقع پر لیبر ڈویژن سمیت کورنگی ٹاؤن کے افسران بھی موجود تھے۔ خواجہ اظہار الحسن نے محمد شریف کی جانب سے صفائی مہم اور یکے بعد دیگرے عوامی خدمت کے کاموں کو سراہتے ہوئے مزید کہا کہ کہیں کوئی آفیسر اگر بازار کا رخ بھی کرے تو پورے قافلے کے ساتھ نمود و نمائش اور فوٹو سیشن کراتے رہتے ہیں جبکہ عوام افطار اور سحری کا سامان مہنگے داموں خریدنے پر مجبور ہے۔

اشیائے خوردونوش کی قیمتیں کنٹرول کرنا اور مافیاز کو کنٹرول کر کے افراط زر قابو میں رکھنا صوبائی حکومت، ڈپٹی کمشنرز اور اسسٹنٹ کمشنرز کی بنیادی زمہ داری ہے۔

دوسری جانب مقامی حکومتوں کا کام مقامی لوگوں کو سہولیات فراہم کرنا ہے، ایم کیو ایم کے بائیکاٹ کے نتیجے میں 92 فیصد آبادی نے بلدیاتی انتخابات کا بائیکاٹ کیا۔ ہمارے بائیکاٹ کے بعد میئر کے خواب دیکھنے والے اب تک اپنا میئر منتخب نہیں کرا سکے۔

ایم کیو ایم پاکستان کو جب بھی موقع ملا عوام کی مثالی خدمت کی اور مسائل حل کر کے عوام کا معیار زندگی بہتر کیا.


جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You May Also Like

وین ڈرائیورز دوران سفر بچوں کی حفاظت پر خصوصی توجہ دیں، رفیعہ جاوید ملاح

ر فیعہ جاوید، ایڈیشنل ڈائریکٹر (رجسٹریشن)، ڈائریکٹوریٹ آف انسپیکشن اینڈ رجسٹریشن آف پرائیویٹ انسٹی ٹیوشنز سندھ، اسکول ایجوکیشن اینڈ لٹریسی ڈپارٹمنٹ حکومت سندھ کی جانب سے تمام والدین، ڈرائیوروں اور…
View Post

حضرت صاحبزادہ سید محمد متین محبوبی چشتی کے 43 ویں عرس کی تقریبات کا آغاز 23 مارچ سے کیا جائے گا

سلسلہ چشتیہ و پاکستان کے نامور بزرگ خواجہ خواجگان حضرت صاحبزادہ سید محمد متین محبوبی چشتی قلندری دہلوی کے 43ویں عرس شریف کی تقریبات ہر سال کی طرح اس سال…
View Post