ڈی ایس پی بن قاسم نے پریس کانفرنس کے دوران انکشاف کیا کہ بن قاسم پولیس اسٹیشن نے کامیاب کاروائی کرتے ہوئے کے فور پانی کی لائن چوری کرنے والے دس ملزمان کو گرفتار کرلیا۔
ڈی ایس پی بن قاسم کے مطابق گرفتار ملزمان کی شناخت محمد عثمان ،محمد رحیم،محمد اقبال، اورنگزیب،انوار ،زبیر ،شان حسین،علی اکبر ،حسین احمد اور حبیب اللہ تگڑ کے ناموں سے ہوئی ہے۔
جبکہ انہوں نے آگاہ کیا کہ حبیب اللہ تگڑ پولیس کانسٹیبل ہے اور گارڈن پولیس ہیڈکواٹر میں تعینات ہے
پولیس کے مطابق گرفتار ملزمان کے قبضے سے سلینڈرز اور لوہے کے پائپ سے بھری ہوئی سوزوکی برآمد ہوئی ہے
جبکہ ملزمان کو ایف ایف بی ایل روڈ نزد پولیس چوکی بن قاسم سے گرفتار کیا گیا
ڈی ایس پی بن قاسم نے آگاہ کیا کہ ملزمان کے خلاف مقدمات درج کر کے مزید تفتیش کی جاری ہے
عزیز اللہ خان ترجمان ایس ایس پی ملیر بھی ڈی ایس پی بن قاسم کے ہمراہ پریس کانفرنس میں موجود تھے