سیدہ حمیرا بنت سعد ضلعی الیکشن کمیشنر نے پریس ریلیز کے ذریعے ضلع کیماڑی کی عوام الناس کو مطلع کیا کہ الیکشن کمیشن آف پاکستان کی جانب سے ووٹ کے اندراج، منتقلی اور درستگی کے لئےآخری تاریخ 13 جولائی 2023 رکھی گئی ہے۔
اس لئے عوام الناس سے التماس ہے کہ اپنے ووٹ کے اندراج ، منتقلی اور درستگی کے لئے13 جولائی 2023 تک دفتر ضلعی الیکشن کمشنر کیماڑی سے رابطہ کریں۔
اس ضمن میں خاص طور پر خواتین، خواجہ سراء اور معذور افراد سے گذارش ہے کہ وہ اپنا قومی شناختی کارڈ نمبر 8300 پر ایس ایم ایس کے ذریعے چیک کریں اور اگر کسی قسم کی درستگی درکار ہو تو ہمارے دفترسے رابطہ کریں، الیکشن کمیشن آف پاکستان کا عملہ ہر وقت آپ کی معاونت کے لئے موجود ہے۔