دی ایجوکیٹر اسکول گارڈن ویسٹ کیمپس میں نمائش کا اہتمام

نمائش میں طلباء نے سائنس، زراعت، صحت اور مختلف شعبوں سے متعلق پراجیکٹ ماڈلز بھی پیش کیے جس سے اندازہ لگایا جا سکتا ہے کہ یہ طلباء سائنس کے شعبے میں دلچسپی رکھتے ہیں۔

سکول انتظامیہ کے مطابق دی ایجوکیٹرز سکول جو کہ تعلیمی میدان میں معیار کا نام ہے، اس کے اساتذہ نے نمائش کے ذریعے طلباء کی صلاحیتوں کو اجاگر کرنے کے لیے دن رات انتھک محنت کی۔

اسکول سے تعلق رکھنے والی ایک ٹیچر سمیرا اسلم نے اس موقع پر کہا کہ کراچی میں پہلے ہی آرٹ اسکولوں اور کالجوں کی شدید کمی ہے اور ایسے حالات میں آرٹ کی نمائشوں اور دیگر مثبت سرگرمیوں کی ضرورت اور بھی زیادہ محسوس کی جاتی ہے۔ سکول انتظامیہ نے نمائش کا اہتمام کیا تھا۔

انہوں نے مزید کہا کہ تمام طلباء نے اپنے پراجیکٹس کو خوبصورتی سے پیش کیا، ان کے مطابق اس قسم کی نمائش طلباء میں آگے بڑھنے اور محنت کرنے کا جذبہ پیدا کرتی ہے۔

علاوہ ازیں بچوں کے والدین، سکول کے دیگر اساتذہ، تعلیمی ماہرین اور سماجی شخصیات نے بھی نمائش میں شرکت کرکے پراجیکٹس کو دیکھا اور سکول انتظامیہ کی خدمات کو سراہا۔