خواتین عام انتخابات میں بڑھ چڑھ کر حصہ لیں، کوآرڈینیٹر پیمان افتخار یوسفزئی

پیمان اور فافن کے تحت ریجنل ڈیموکریٹک نیٹ ورک کے زیر اہتمام ہوٹل مہران کراچی میں امیدوار فورم کا انعقاد کیا گیا۔

اس فورم میں جماعت اسلامی، ایم کیو ایم، مسلم لیگ (ن)، پی سی پی، پی آر ایچ پی، تحریک لبیک، عام آدمی پارٹی، پی ایم اے پی، پی ایم ایم ایل، اے این پی اور آزاد امیدواروں نے شرکت کی۔

پیمان کے کوآرڈینیٹر افتخار یوسفزئی نے مہمانوں اور شرکاء کو خوش آمدید کہتے ہوئے کہا کہ اس فورم کا مقصد امیدواروں اور رائے دہندگان کو ایک چھتری تلے لانا ہے اور امیدوار اپنا انتخابی منشور شیئر کریں گے اور یہاں موجود سامعین سوالات پوچھیں گے جن میں ٹریڈ یونین، وکلاء برادری, یونیورسٹی کے طلباء، صحافی، ڈاکٹر ایسوسی ایشن، تاجر، ٹرانس جینڈر، سول سوسائٹی، لیبر یونین اور اقلیت. سمیت مختلف معاشرے سے تعلق رکھنے والے افراد شامل ہیں۔

انہوں نے مزید کہا کہ فافن اور پیمان ہمیشہ انتخابی عمل میں محروم معاشرے کو آگے لانے کی کوشش کرتے ہیں خاص طور پر خواتین، خواجہ سراؤں اور اقلیتوں کو ووٹرز یا امیدواروں کی حیثیت سے عام انتخابات میں شرکت کرنا ضروری ہے۔ اس موقع پر امیدواروں نے اپنے انتخابی منشور کو مختصر طور پر پیش کیا اورسامعین کی جانب سے اٹھائے گئے سوالات کا جواب بھی دیا۔