سوک سینٹر میں سول افراد کے مسلح داخلے پر فوری پابندی عائد کی جائے، کے ڈی اے ایمپلائز یونین سی بی اے

کے ڈی اے ایمپلائز یونین سی بی اے عہدیداران نے ادارہ ترقیات سوک سینٹر میں گزشتہ جمعہ کے روز ہونے والے واقعہ جس میں اسٹیٹ انفورسمنٹ کے عملے پر باہر سے آئے مسلح افراد نے حملہ کیا جس کے نتیجہ میں کے ڈی اے انفورسمنٹ کے ایک افسر عرفان زئی زخمی ہوگئے، اس واقعہ کی شدید الفاظ میں مزمت کی۔

ایمپیلائیز یونین سی بی اے جوائنٹ انچارج عمران حسین جعفری نے ڈائریکٹر جنرل کے ڈی اے محمد علی شاہ صاحب سے اپیل کی کہ سوک سینٹر میں سول افراد کے مسلح داخلے پر فوری پابندی لگائی جائے تاکہ ایسے واقعات کی روک تھام ممکن ہوسکے ۔

انہوں نے کہا کہ ہم ایسے واقعات کی پرزور مذمت کرتے ہیں کے ڈی اے اسٹاف کی جان ومال کی زمہ داری کے ڈی اے انتظامیہ پر عائد ہوتی ہے ایسے واقعات کی فوری روک تھام کے لئیے ایکشن لیا جائے ہم اپنے اسٹاف کے شانہ بہ شانہ کھڑے ہیں انکے ساتھ ہونے والی کسی بھی زیادتی پر سی بی اے قانونی چارہ جوئی کا حق محفوظ رکھتی ہے۔